fbpx

#LightSAred

Dit is meer as vyf maande sedert diegene in die vermaaklikheidssektor se werk opgedroog het, weens die staat van nasionale inperking aangekondig deur President Cyril Ramaphosa. Teaters, musiek-en danskonserte, sowel as ander lewendige opvoerings is summier gestaak, en kunstenaars, tegnici en skoonmakers is hierdeur sonder inkomste gelaat. Die veldtog #LightSAred is deur Sharif Baker gestig om bewusmaking hierrondom te skep. 

Die veldtog, #LightSAred is geloots om bewusmaking te skep vir diegene wat in die uitvoerende kunste sektor is. Die algemene gevoel onder mense in dié veld is dat die regering nie die kunsbedryf prioritiseer nie. Sodoende is daar nie veel hulp vir ’n bedryf wat noodsaaklik is vir ontspanning, ontvlugting en vermaak nie. Die veteraanjoernalis Martie Meiring het op ’n kol, pas na die US Woordfees, geskryf dat kunstefeeste die temperatuur van die land meet. As ons die huidige klimaat in ag moet neem, is dit veilig om te sê dat die kunsbedryf in die rooi is. Rooi van woede, kwaad en hulpeloosheid. Ons skuld is ook in die rooi. Met die dat die bedryf toegemaak is, en die nuutste inperkingsregulasies stipuleer dat vertonings of groepbyeenkomste ’n maksimum van 50 mense mag bevat, gaan die rooi vinnig verander na ’n donker rooi. Rooi so rooi dit lyk byna swart. 

Die groep #LightSARed het eise aan die regering gestel. Die eise is as volg: 

  • Die regering en finansiële instellings moet finansiële verligting vir diegene wat ‘n inkomste verdien in die industrie vir tegniese produksie en live events verskaf totdat ons toegelaat word om weer te begin werk
  • Die regering moet skakel met verkose leiers binne SACIA (Southern African Communications Industries Association) en die SA Events Council, en ’n platform bied waarop stemme gehoor kan word.
  • Ons eis dat die regering die organisasies wat tans geen wins maak erken en daarmee saam ondersteuning bied aan behoeftige lede van die tegniese produksie- en live events-industrie

Die woordvoerder van die beweging, Baker, het aan EWN gesê: “It’s a campaign to gain attention of government. We’ve gone with Light SA red, because red is the international colour for emergencies, and that’s what the entertainment industry is in.”

Talle teaters, insluitend die Adam Small Teaterkompleks op Stellenbosch het ingespring om bewusmaking te skep. 

Tafelberg, en ander teaters in Kaapstad was ook in rooi gedompel. Kunstenaars het op hul sosiale media ook die tendens gevolg. 

Dit is van kardinale belang dat die regering ag slaan op die eise van #LightSAred. Ek is ten volle daarvan bewus dat korrupsie, hongersnood en geweld tans hoog op die nasionale agenda is. Waarom is daar ’n departement virKuns en Kultuursake as basiese behoeftes nie nagekom kan word nie? As jong Suid-Afrikaanse teatermaker voel ek nie optimisties oor die regering se vermoë om te prioritiseer nie. Hierdie gevoel word geëggo dwarsoor sosiale media en blitsig sien ons hoe Ramaphorie besig is om te kwyn. Daar is ongelukkig geen maklike oplossing. 

Minister Nathi Mthethwa se kantoor het wel berig dat daar ’n tweede rondte van noodfondse vir kunstenaars beskikbaar gestel is. Kunstenaars het tot 31 September om aansoeke hiervoor in te dien.


Vir meer inligting, gaan na https://www.lightsared.org.za/ en vind uit hoe jy kan help. Besoek ook http://www.dac.gov.za/ om aansoek te doen vir die noodfonds. 


Kuns, kultuur & korrupsie

Sedert die nasionale inperking in Maart vanjaar aangekondig is, is menigte landsburgers se lewe onherroeplik verander. Dit is natuurlik nie nuwe nuus nie. Verskoon die dramatiese sienswyse, maar dit wat ons voorgehou het as ‘normaal’ is omgedop en blitsig moes ons aan nuwe sosiale gedrag gewoond raak. Die inperking het ons tot stilstand gebring en die tyd voor die Koronavirus, voel soos ’n vae verlede.

Read More

Teaters kan (amper) heropen

Die gordyn het gesak en die ligte is uitgedoof. Na die uitbreek van Covid19 moes teaters noodgedwonge hul deure sluit. Talle kunstenaars is sonder werk gelaat met party wat plek-plek ander mediums probeer vind om brood op die tafel te sit. Hierdie vreemde tye het opnuut kom bewys hoe afhanklik ons van teaters is.

Read More

Kunstenaars en korona

Talle mense is besig om dood te gaan, ons land se ekonomie lê aan skerwe, daar is mense wat meen armoede gaan hulle bykom nog voordat die virus sy tol op hul lewe kan eis en in ’n oogknip is ons vryheid van ons ontneem. 

Read More

Woordtrofees-wenners 2020

Woordtrofees-
wenners 2020

Die wenners van die 2020 Toyota US Woordfees Woordtrofees-toekennings is op 7 April regstreeks aanlyn via Facebook live stream bekend gemaak. Die wenners ontvang elkeen ’n kunswerk deur Theo Paul Vorster en ’n bedrag geld. 

Read More

Grootse ‘Koningin Lear’ na Baxter

Kapenaars het enkele dae om die veelbekroonde toneelstuk Koningin Lear in die Baxter­teater in Rondebosch te beleef. Dit kom oplaas ná suksesvolle speelvakke en ritse pryse – agt Kannas op die Klein Karoo Nasionale Kuns­tefees en vyf beeldjies op Aardklop – na die Moederstad.

Read More

Drie reuse en ’n haka vir ‘Koningin Lear’

Murray La Vita doen verslag oor ’n gesprek tussen drie kulturele reuse: Antjie Krog wat aan Marthinus Basson en Antoinette Kellermann die vrae vra wat sy haar “hele lewe lank al wou vra”. Koningin Lear was ook teenwoordig.

Read More

‘Huishou’ se rolverdeling ‘uit die hemel’

Koebaai Pippa, hallo Dirkie. Dit is hoe Nadia Valvekens, wat 13 jaar lank Pippa in die kykNET-sepie Binnelanders gespeel het, verwelkom word nadat kenners, leke, resensente en verskillende gehore die verhoogstuk Huishou gesien het. Dié duo-toneelstuk is vanjaar op die Vrystaat Kunstefees.

Read More
Privacy Settings
We use cookies to enhance your experience while using our website. If you are using our Services via a browser you can restrict, block or remove cookies through your web browser settings. We also use content and scripts from third parties that may use tracking technologies. You can selectively provide your consent below to allow such third party embeds. For complete information about the cookies we use, data we collect and how we process them, please check our Privacy Policy
Youtube
Consent to display content from Youtube
Vimeo
Consent to display content from Vimeo
Google Maps
Consent to display content from Google