Wie is NATi?

Die Nasionale Afrikaanse Teater-inisiatief (NATi) is ‘n nie-winsgewende, selfstandige organisasie, befonds deur die Dagbreek Trust, wat hom beywer vir en toegespits is op die bevordering van Afrikaanse teater en toneel op ‘n inklusiewe grondslag tot voordeel van die breë Suid-Afrikaanse gemeenskap.
NATi is gestig as ’n befondsing- en ontwikkellingsinisiatief van verdienstelike Afrikaanse teater in samewerking met die Feesteforum (Aardklop, Innibos, KKNK, Suidoosterfees, Vrystaat Kunstefees en Woordfees) en onafhanklike vervaardigers. NATi fokus op projekte wat die teaterbedryf as ’n geheel dien en ’n stem of perspektief toevoeg tot ’n Suid-Afrikaanse narratief in Afrikaans.

NATi Ondersteun

Verdienstelike Afrikaanse teaterstukke wat sonder befondsing van buite nie die lig sou sien nie.

Skep Geleenthede

In samewerking met kunstefeeste en teatervervaardigers landwyd deur speelvakke te identifiseer waar hierdie teaterstukke opgevoer kan word.

NATi Ontwikkel

En verleen steun met die ontwikkeling van oorspronklike, nuwe Afrikaanse teater- en toneeltekste.

NATi fokus op Teatergehore

Deur projekte te onderneem wat die ontwikkeling van teatergehore bevorder, met besondere klem op gehoorontwikkeling in gemeenskappe waar so ‘n behoefte geïdentifiseer word.

NATi Skep

Geleenthede vir kundiges en aspirant-kundiges in al die dissiplines van teaterpraktyk, veral vir jonger en opkomende teaterpraktisyns.
Your consent is required to display this content from youtube - Privacy Settings

Katvoet

Die klassieke Pulitzerprys-drama Cat on a Hot Tin Roof kry hier nuwe lewe in ’n vars verwerking. Nico Scheepers het die toneel verskuif na ’n wildplaas in die Limpopo-bosveld. Dis hier waar die Mouton-gesin bymekaarkom vir hul patriarg se 65ste verjaarsdag. Boela, die oudste seun, drink homself dood om die spoke agter sy oë te verwilder en Maggie, sy eensame vrou wat suutjies trap, doen alles in haar vermoë om die liefde te oorleef. Watter familiedramas wag nog om uitgepluis te word?

Privacy Settings
We use cookies to enhance your experience while using our website. If you are using our Services via a browser you can restrict, block or remove cookies through your web browser settings. We also use content and scripts from third parties that may use tracking technologies. You can selectively provide your consent below to allow such third party embeds. For complete information about the cookies we use, data we collect and how we process them, please check our Privacy Policy
Youtube
Consent to display content from Youtube
Vimeo
Consent to display content from Vimeo
Google Maps
Consent to display content from Google